Chanzo cha picha, ROSARIO LONEGRO
Rosario Lonegro alikuwa na umri wa miaka 20 tu alipoingia katika seminari ya Kikatoliki huko Sicily akiwa kasisi anayejiandaa kutawazwa. Lakini alipokuwa huko alipendana na mwanamume mwingine na wakuu wake walimtaka afanyiwe tiba ya uongofu iliyokusudiwa kufuta mapendeleo yake ya kingono ikiwa angetaka kuendelea na njia ya ukuhani.
"Kilikuwa kipindi cha giza zaidi maishani mwangu," aliiambia BBC, akikumbuka uzoefu wake wa seminari mnamo 2017.
Akiwa ameshikwa na hatia na woga wa kufanya dhambi mbele ya Kanisa Katoliki, Rosario alisema "alihisi amenaswa bila chaguo ila kujinyima ubinafsi wangu wa kweli".
"Shinikizo la kisaikolojia la kuwa mtu ambaye sikuwa lilikuwa kubwa .Sikuweza kubadilika hata nilijaribu sana.”
Kwa zaidi ya mwaka mmoja, alilazimishwa kushiriki katika mikusanyiko ya kiroho nje ya seminari, baadhi ya siku kadhaa, ambako alikabiliwa na mfululizo wa mambo yenye kufadhaisha yaliyokusudiwa ili kumuondolea mvuto wa kingono aliokuwa nao [wa mapenzi ya jinsi moja].
Hii ni pamoja na kufungiwa katika chumba chenye giza, kulazimishwa kuvua nguo mbele ya washiriki wenzake, na hata kutakiwa kutunga sheria ya mazishi yake mwenyewe.
Wakati wa matambiko haya, alipewa jukumu la kuandika dosari zake alizoziona, kama vile " kuwa na hisia za mapenzi ya jinsi moja ", "chukizo", "uongo" - na maneno wazi zaidi, ambayo alilazimika kuzika chini ya jiwe la mfano.
'Nilidhani ninahitaji kuponywa'
Shirika la Afya Duniani (WHO) liliondoa mapenzi ya jinsi moja katika orodha yake ya matatizo ya akili mwaka wa 1990. Utafiti wa kisayansi uliofuata umehitimisha kwa kiasi kikubwa kwamba majaribio ya kubadilisha mwelekeo wa kijinsia sio tu hayafai bali pia yana madhara.
Nchini Ufaransa, Ujerumani na Hispania yenye Wakatoliki wengi, matibabu ya kubadili dini yamepigwa maruf*cku rasmi, na jitihada zinaendelea nchini Uingereza na Wales kuharamisha mazoea hayo.
Leo nchini Italia, karibu haiwezekani kubainisha kiwango halisi cha mila hizi, zinazoripotiwa zaidi na wanaume, lakini baadhi ya wanawake pia, na hakuna ufafanuzi wa kawaida wa sheria hizi.
Katika miezi ya hivi karibuni, hata hivyo, BBC imefanya mahojiano na vijana kadhaa wanaoshiriki mapenzi ya jinsi moja kote nchini ambao wameshiriki uzoefu wao wa kufanyiwa mikutano ya kikundi cha kisayansi au vikao vya matibabu vya mtu binafsi vinavyolenga kuwageuza kuwa watu wa jinsia tofauti.
Mwanamume mmoja mwenye umri wa miaka 33 ambaye alihudhuria mkutano wa aina hii kwa zaidi ya miaka miwili alionyesha msukumo wake wa kwanza, akisema: “Nilitaka kujielewa. Sikutaka kuwa mpenzi wa jinsi moja. Nilifikiri nilihitaji kuponywa.”
"Niliona hiyo kama njia yangu pekee ya kukubalika," mwingine alisema. Hakuwa akijaribu kuwa kasisi, bali alikuwa akitafuta tu kukubalika katika maisha yake ya kila siku.
Papa apendekeza kuwa Kanisa Katoliki huenda likawabariki wapenzi wa jinsia moja
Kwa nini kanisa la Kiafrika linaipinga Vatican kuhusu suala la mapenzi ya jinsi moja?
Chanzo cha picha, Getty Images
Tiba ya kuwashawishi wapenzi wa jinsi moja haiko katika eneo moja mahususi la Italia pekee - mikutano ya kikundi na vikao vya matibabu ya mtu binafsi vinavyoendeshwa kote nchini, vingine hata vinaendeshwa na wataalamu wa saikolojia walioidhinishwa. Katika baadhi ya matukio, mikusanyiko hii na vikao vya tiba si rasmi na vya siri, mara nyingi huenezwa kupitia mazungumzo ya busara na mazungumzo ya siri.
Kozi nyingine hutangazwa hadharani, huku watu wanaojulikana ndani miongoni mwa wahafidhina wa Italia wakitafuta wafuasi mtandaoni na kwenye majukwaa ya mitandao ya kijamii ili kukuza uwezo wao wa kubadilisha mielekeo ya ngono.
Huko Sicily, Rosario Lonegro alikabiliwa hasa na mikutano iliyoandaliwa na kikundi cha Kihispania Verdad y Libertad (Ukweli na Uhuru), chini ya uongozi wa Miguel Ángel Sánchez Cordón. Kundi hilo tangu wakati huo limesambaratika, baada ya kukataliwa na Kanisa Katoliki.
Hata hivyo, kasisi wa Kiitaliano ambaye awali alimsukuma Lonegro katika matendo haya alipewa nafasi ya juu ndani ya Kanisa, huku wengine wakiendelea kupata msukumo wa mbinu za Sánchez Cordón nchini Italia.
Watu wengi ambao BBC ilizungumza nao walirejelewa kwa Luca di Tolve, "mkufunzi wa maadili/kiroho" ambaye alitambuliwa kupitia kitabu chake kilichoitwa "I was gay once. In Medjugorie I found myself".
Katika tovuti yake, Di Tolve na mke wake wanajigamba kwamba wao ni "wanandoa walioridhika" wanaotaka "kusaidia mtu yeyote ambaye utambulisho wake wa kijinsia uko katika msukosuko, na kuwasaidia kutumia uhuru wao kikweli katika kuamua ni nani wanaotaka kuwa kama mtu". aliwasiliana na BBC, Di Tolve hakujibu.
Mtu mwingine mahiri anayekuza njia za kukabiliana na mwelekeo wa kijinsia unaojulikana ni Giorgio Ponte, mwandishi maarufu katika duru za Italia za kihafidhina anasema anataka kuwasaidia watu kuondokana na mapenzi ya jinsi moja na kukombolewa, kwa kusimulia hadithi zao wenyewe kama watu wenye misukumo ya mapenzi ya jinsi moja ambao yuko katika mwelekeo wa "uwezekano wa maisha" ya uhuru.
"Kwa uzoefu wangu, mvuto wa mapenzi ya jinsi moja unatokana na kuumia kwa utambulisho wa mtu ambao huficha mahitaji ambayo hayahusiani na kipengele cha ngono lakini kinachohusishwa na mtazamo potovu kuuhusu, unaoakisi katika nyanja zote za maisha," aliiambia BBC.
"Ninaamini kwamba mtu anayeshiriki mapenzi ya jinsa moja anapaswa kuwa na uhuru wa kujaribu [kuwa na jinsia tofauti], kama anataka, akijua, hata hivyo, kwamba inaweza kuwa haiwezekani kwa kila mtu," aliongeza.
'Nilipombusu nilihisi sio kawaida'
Katika miaka ya hivi majuzi, makumi ya vijana wa kiume na wa kike wametafuta mwongozo kutoka kwa watu kama Di Tolve, Ponte na Sánchez Cordón. Miongoni mwao ni Massimiliano Felicetti mwenye umri wa miaka 36, mpenzi wa jinsi moja ambaye alipambana na majaribio ya kubadilisha mwelekeo wake wa ngono kwa zaidi ya miaka 15.
“Nilianza kutojistarehesha tangu nikiwa mdogo sana, nilihisi nisingekubalika kamwe na familia yangu, jamii, na Kanisa. Nilidhani nilikosea, nilitaka tu kupendwa, na watu hawa walinipa matumaini," alisema.
Felicetti alisema amejaribu kupata suluhu tofauti za kuachana na mapenzi ya jinsi moja, akiwasiliana na wanasaikolojia na washiriki wa dini ambao walijitolea ku*msaidia kuwa na jinsia tofauti. Hata hivyo, karibu miaka miwili iliyopita, aliamua kuacha. Ndugu mmoja ambaye alijua juu ya mapambano yake alimtia moyo aanze kuchumbiana na mwanamke, lakini haikuwa kawaida.
“Nilipombusu kwa mara ya kwanza, nilihisi si kawaida. Ilikuwa wakati wa kuacha kujifanya,” Felicetti alisema.
Miezi michache tu iliyopita alijitangaza wazi kama mpenzi wa jinsi moja kwa familia yake. "Ilichukua miaka, lakini kwa mara ya kwanza ninafurahi kuwa hivi nilivyo."
Licha ya majaribio ya serikali za awali kuendeleza mswada wa kupinga matibabu ya uongofu, hakuna maendeleo ambayo yamepatikana nchini Italia.
Serikali ya mrengo wa kulia ya Italia inayoongozwa na Giorgia Meloni hadi sasa imepitisha msimamo wa chuki dhidi ya haki za LGBT, huku waziri mkuu mwenyewe akiapa kukabiliana na kile kinachoitwa "ushawishi wa LGBT" na "itikadi ya kijinsia".
Ukosefu kama huo wa kutoawakubali wapenzi wa jinsi moja haushangazi kwa Michele Di Bari, mtafiti wa sheria linganishi za umma katika Chuo Kikuu cha Padova, ambaye anasema kuwa Italia ni nchi inayofanya mambo polepole sana na huzorota kutekeleza mabadiliko ikilinganishwa na nchi zingine za Ulaya Magharibi.
"Hili ni jambo lisiloeleweka sana, ikizingatiwa kuwa ni mazoezi ambayo yamekatazwa na agizo la Italia la wanasaikolojia yenyewe. Lakini, katika mfumo wa wa sheria wa Italia, mapenzi ya jinsi moja hatachukuliwi kuwa ni haramu. Watu wanaofanya vitendo hivyo hawawezi kuadhibiwa.”
Licha ya utata wa suala hilo, wataalamu wanaamini kuwa kwa kiasi fulani kutokana na ushawishi mkubwa wa Italia wa Wakatoliki, nchi hiyo imekuwa ikisitasita zaidi kupiga maruf*cku vitendo hivi vya kutatanisha.
Chanzo cha picha, Getty Images
"Hii inaweza kuwa mojawapo ya vipengele ambavyo, pamoja na tamaduni za uzalendo na itikadi kali za kiume, hufanya uelewa mpana wa haki za mapenzi ya jinsi moja na LGBT kwa ujumla kuwa mgumu zaidi," alisema Valentina Gentile, mwanasosholojia katika Chuo Kikuu cha LUISS cha Roma.
"Hata hivyo, ni sawa pia kusema kwamba sio Ukatoliki wote unaochukia ujumuishaji wa tofauti na Kanisa lenyewe liko katika kipindi cha mabadiliko makubwa katika suala hili," aliongeza.
Papa Francis amesema Kanisa Katoliki liko wazi kwa kila mtu, ikiwa ni pamoja na jumuiya ya wapenzi wa jinsi moja, na kwamba lina wajibu wa kuwasindikiza katika njia ya kibinafsi ya kiroho, lakini ndani ya mfumo wa sheria zake.
Hata hivyo, Papa mwenyewe aliripotiwa kutumia neno la kudhalilisha sana jumuiya ya LGBT alipouambia mkutano wa faragha na maaskofu wa Italia kwamba mashoga hawapaswi kuruhusiwa kuwa makasisi. Vatikani ilitoa msamaha rasmi.
Rosario Lonegro ameondoka Sicily na pia anaishi Milan. Kufuatia kuvunjika kwa neva mnamo 2018, aliacha seminari na kikundi cha tiba ya ubadilishaji wa jinsia.
Ingawa bado anamwamini Mungu, hataki tena kuwa kuhani. Anaishi nyumba moja na mpenzi wake, anasoma falsafa na hufanya kazi ya kujitegemea mara kwa mara ili kulipia chuo kikuu. Hata hivyo, majeraha ya kisaikolojia yanayotokana na shughuli hizo bado yanazidi mumuandama sana.
“Wakati wa mikutano hiyo, neno moja lilinisumbua na lilirudiwa tena na tena: ‘Mungu hakuniumba hivyo. Mungu hakunifanya mpenzi wa jinsi moja. Ni uwongo tu ninajiambia,' nilijiona kuwa mimi ni mwovu," alisema.
"Sitasahau hilo kamwe."
